alt

452°F Elkarte Kulturala aldizkari honen edizioaren erakunde arduraduna da. Ezagutza artistiko eta literarioak ahalik eta jende gehienarengana zabaltzeko argitalpena sortzeko beharrizana asetzeko egiten du lan, nolabaiteko babes akademikoak dakarren bermea ahaztu gabe. Hedapenerako euskarri digitala aukeratzeak, hizkuntza aniztasunarekiko konpromisoak eta batzorde zientifikoa osatzen duten kide bakoitzaren curriculumak aipatutako ideiak berresten ditu.

452ºF Elkarte Kulturala 2008ko maiatzaren 18an sortu zen, literatura, artea eta kulturaren munduarekin lotura duten izaera ezberdineko proiektuak garatzeko.

Elkarteak gizartean aurkezteko proposatzen duen lehenengo proiektua aldizkari digital hau da. 2008ko irailean forma hartzen hasi zenetik gaur egun arte, ez da oinarrizko pentsamoldea aldatu. Oinarrizko printzipioen adierazpena dator ondoren:

452ºF aldizkariaren helburu nagusia gizartearentzako zerbitzu erabilgarriak garatzea da. Soilik xede hau kontuan hartuta berma dezake literatura, kultura eta arlo artistikoen behar bezalako hedapena.
452ºF aldizkariarentzat, erabilgarritasun sozialak bi beharrizan nagusi ditu:

  1. 1. Zabaltzen diren ezagutzak ahalik eta irakurleria zabalenarentzat eskuragarri izatea.
  2. 2. Argitaratzen diren ezagutzek nolabaiteko kalitate garantia edukitzea.

Lehendabiziko beharrizana betetzeko, beraz, 452ºF aldizkariak honako konpromisoak hartzen ditu:

  • - Euskarri digitalean argitaratzea. Era honetan, inprimatutako argitalpenen banaketak dakartzan muga geografiko, ekonomiko eta ekologikoak gainditzea lortzen da.
  • - Edukiak libreki eskuratzen direla ziurtatzea. Aldizkarian argitaratutako artikuluen edo gainerako zerbitzuen bidez (jasotako liburuen iruzkinak, monografikoari buruzko bibliografia zehatza, e.a.) bideratutako ezagutza oro webgunean sartzen den edozein pertsonaren eskura egon behar da. Beraz, sarrerako kuotek edota erabiltzaileen harpidetzak dakartzaten barrera ekonomiko eta burokratikoak gaindituko dira. Dena dela, aldizkariko edukietarako sarrera librea ez da, inoiz, aldizkariak berak edota autoreek ezarritako jabetza eskubideekin gatazkan sartzen [Lege Oharra].
  • - Mundu hizkuntza anitzaren beharrizanak asetzea. Hizkuntza ugaritasunak dakartzan balio kulturalak kontuan hartuta, eta ahalik eta jende gehienagana iristeko helburuarekin, ahal den heinean, hainbat barrera idiomatiko ezabatuko dira.
  • 452ºF aldizkariak bigarren beharrizana kalitate baldintzak betez asebeteko du:
  • - Datu base nagusien kalitate irizpideak beteta. CINDOC, LATINDEX, CNEAI, FECYT eta DICE datu baseek humanismo eta gizarte zientzien alorretarako eskatzen dituzten irizpide guztiak betetzeko helburua du aldizkariak.
  • - Batzorde zientifikoaren bermea eta laguntza daukan Erredakzio kontseilu konpetentea sortuz. 452ºF aldizkariak espero du ikerle hasiberri eta beteranoen elkarlanak hedatutako ezagutzaren kalitatea hobetu dezakeela.

Hirugarrenez, 452ºF aldizkariak gutxienez, argitaratutako ikerketa artikuluen %40 autore doktoratu gabekoen eskutik egiteko konpromisoa hartzen du. Ez da arrazoi ezberdinengatik isildutako ahotsen aldeko apustua, hauen potentzialaren baieztapena baizik.

Beraz, 452ºF Elkarte Kulturalak atsegin handiz aurkezten du proiektu hau era guztietako publikoaren aurrean, hasi berri dugun ibilbide honetan, uneren batean, bilatzen duen ezagutza eskainiko diogulakoan. Elkarte Kulturalari buruzko datu gehiago ezagutu nahi duenak (estatutuak, zuzendaritza batzordea, proiektuak, euskarri ekonomikoa e.a.) asociacion.452f.com web orrira jo dezake.

FaLang translation system by Faboba

index

miar ccuc csic dialnet doaj e-revistas isoc latindex MLAracoresh
lista de emails
click sinuca

chfyavbh88y FilmOneTorrents http://filmonetorrent.blogspot.com/4cd3